म्हाका दिसता चलत रावचें
हातात तुज्या आसचो हात
पळोवचो दोळ्यांत तुज्या
सुर्य वतना अस्ताक

हाश्यां वांगडा सर्त करपी
तीं खळखळीत दर्या ल्हारां
पिशें म्हाका लायलें तुज्या
कोंगऱ्या केंसात व्हांवपी वाऱ्यान

तुज्या एका नजरेन म्ह्ज्या
काळजांत जी जाता धडधड
गोंपान येऊन आयक एकदाच
म्हज्या मनाची ही तडफड

जायतें तुका सांगचे आसा
जायतें म्हाका आयकुचे आसा
शब्द तोणांन काडनाशी
खुब समजुन घेवचें आसा

नासत हांव राजकुमार
सोंपनातलो गो तुज्या
तू मात सदा उरतलें
काळजाची राणी म्हज्या