तू म्हज़ो मोग खरो...पुण जगपाची उर्बा म्हाका ना
तूच म्हजी प्रीत खरी...पुण त्रासा तूका ऊडोवपाचे ना
कशे तूका आनी किते सांगू...समजावपाचीय तांक उरुना
म्हजे मडे म्हज्याच फाटीर...तुका हांडीर आनी बसोवपाचे ना

उक्त्या दोळळयानी तूजी सोपना पळयली...आता न्हीदेत एकूय बी येना
चलता आपलेच नाक पळयत...रस्तो मेजपाचे ध्यान उरुना
किते खाता आनी कित्याक खाता... जाप अजून कसलीच मेळूना
म्हजे मडे म्हज्याच फाटीर...तूका हांडीर आनी बसोवपाचे ना

जगता मरता...मरता जगता...दोगाय भीतर फरक समजना
दिगंतरेक दीस जायत...म्हजी रात अजून सरूना
तुका आता आनी कसली आस...आपलीच मनशां लागी उरुना
म्हजे मडे म्हज्याच फाटीर...तूका हांडीर आनी बसोवपाचे ना